Garaipen ederra lortu zuen Ur Miak, ostiralean Usurbilen, Gipuzkoako Taldekako Bola Txapelketan: ereñotzuarrek 10-6 menderatu zuten Legazpiko Danantzako, semifinalean. Azkeneko hiru tiraldietan erabaki zen garaipena, 7-6 zirela.
Eta ia atsedenerako tarterik gabe, gaur bertan jokatuko dute final haundia. Urnietan izango da, goizeko 10:00etan hasita. Ereñotzuarrek Lasarte-Oriako Ostadar, Villabonako Behar Zana eta Donostiako Ategorrieta izango dituzte kontrario, gizonezkoen txapelaren bila. Emakumezkoetan Ategorrietak eta Liztormendik jokatuko dute finala, 12:00etatik aurrera.