Festa giroak ez du etenik Ereñotzun. San Antonio Jaietako asteburua hasiko da gaur, eta egun osoan zehar izango da jarduera ezberdinekin gozatzeko aukera. Larunbata izaki, batzuen eguna dexente luzatuko dela aurreikusi daiteke.
Haurrei zuzendutako plana izango da gaur goizekoa; izan ere, 11:00etatik aurrera puzgarriek beteko dute frontoia. Txikienek nahieran gozatzeko tartea izango dute askotariko jolas-gune eta musikarekin girotutako eremuan.
Ohikotasunera itzuliko da frontoia arratsaldean, pelota partiduak jokatuko baitituzte 18:00etatik aurrera. Emakumezkoen pala partiduarekin hasiko da jardunaldia; Ane Kerejeta eta Enara Mazizior ereñotzuarra Nagore Muruaren eta Nahia Ehizmendiren aurka arituko dira. Ondoren, gizonezkoek jokatuko dute eskuz binaka; Beñat Apezetxea-Antton Apezetxea bikoteak aurrean izango du Eñaut Lizeaga-Unax Landa bikotea.
Kirol saioa amaituta, dena prest izango dute ereñotzuarrek parrandarako. Itzal taldea izango da protagonista; arratsaldeko 20:00etan eskainiko dute lehenengo saioa, eta gaueko 00:30etan itzuliko dira berriro plazara, goizeko ordu txikiak arte jarduteko. Tartean, DJ Gorkamendik emanaldia eskainiko du gaztetxoentzat, eskolako patioan.
Sagardoa eta bertsoak, bihar
Biharkoa izango da aurtengo San Antonioetako azken eguna, baina giroak bere horretan jarraituko du. Hernaniko txistulariak arduratuko dira lotiak esnatzeaz, eta ondoren bi protagonista nagusi izango dira: sagardoa eta bertsoa.
Urtero jende ugari elkartu ohi duen sagardo probaketa izango da eguerdian. Bertan, bailarako zazpi sagardotegitako produktuak dastatzeko aukera izango dute bertaratzen direnek. Ondorengo sagardotegiek hartuko dute parte: Elutxeta, Iparragirre, Elorrabi, Otsua Enea, Olaizola, Goiko Lastola eta Larre Gain.
Bertsoaren txanda arratsaldeko 18:30etan iritsiko da. Beste behin punta puntako jaialdia prestatu dute; Maialen Lujanbio, Andoni Egaña, Agin Laburu eta Alaia Martin arituko dira kantuan.
|
SAN ANTONIOAK 2024 EREÑOTZU GAUR 11:00 Puzgarriak frontoian. 18:00 Pelota partiduak: PALAN BINAKA: ESKUZ BINAKA: 20:00 Itzal taldearen 21:30 DJ Gorkamendiren 00:30 Itzal taldearekin BIHAR 08:30 Hernaniko txistulariekin diana bailaran barrena. 10:00 Meza nagusia. 11:00 Ttarla dantza taldearen emanaldia frontoian. 12:00 Sagardo probaketa SAGARDOTEGIAK: Elutxeta, 18:30 Bertso Jaialdia: Maialen Lujanbio, Andoni Egaña, Agin Laburu eta Alaia Martin. Ondoren, errifaren zozketa eta jaiei amaiera suziriak jaurtiz.
AUTOBUS ZERBITZU BEREZIA: |
