Gaur hasiko dira Ereñotzuko jaiak, San Antonio eguna ospatuz. Eguerdiko 12:00etan emango diete hasiera aurtengo San Antonioei, Ereñotzuko yoga taldeko kideek suziria botatzearekin batera. Jarraian, herri kirol erakustaldia egingo dute Ereñotzuko plazan: aizkoran ariko dira Igoin Pikabea eta Malen Barrenetxea, Irati Astondoaren eta Aitor Saralegiren aurka. Harrijasotzen, berriz, Itsaso Trekuk eta Imanol Royo 'Lartain'ek emango dute erakustaldia. Hizlari gisa ariko da Xabier Barrenetxea, eta berak ez ezik, Eli Pagola eta Jexux Mari Irazu bertsolariek girotuko dute saioa.
Arratsaldean, gazteen arteko pelota partiduak hartuko du protagonismoa auzoko frontoian, eta honakoek jokatuko dute eskuz binaka: Aratz Labakak eta Liher Zugastik, Imanol Ormazabalen eta Oier Arsuagaren aurka; eta Xuban Iturbek eta Oihan Legarretak aurrez aurre izango dituzte Aimar Zabala eta Oier Azpeitia. Egunari amaiera emateko, arratsaldeko 20:00etan herri afari baten bueltan bilduko dira auzotarrak.
Bihar eguerdian, ohi bezala, Txirrita eskolako ikasleek kurtso amaierako jaialdia eskainiko dute, eta segidan zenbait ekintza burutuko dituzte, festei jarraipena emateko; besteak beste, bola eta toka, herri afaria eta musika.
EREÑOTZUKO SAN ANTONIO JAIAK
EGITARAUA
GAUR
12:00 Auzoko Yoga taldeak jaiei hasiera, txupinazoarekin.
Ondoren, Herri kirolak, Ereñotzuko plazan. Aizkoran: Igoin Pikabea eta Malen Barrenetxea, Irati Astondoa eta Aitor Saralegi. Harri jasotzen: Itsaso Treku eta Imanol Royo 'Lartain'. Hizlaria: Xabier Barrenetxea.
Segidan, ekitaldia girotzeko, Eli Pagola eta Jexux Mari Irazu bertsotan.
17:30 Gazteen pilota partiduak.
ESKUZ BINAKA:
Aratz Labaka-Lihez Zugasti/Imanol Ormazabal-Oier Arsuaga
Xuban Iturbe-Oihan Legarreta/Aimar Zabala eta Oier Azpeitia
20:00 Herri afaria. Norberak etxetik dakarrenarekin. Edariak, mahaiak eta aulkiak Jai Batzordeak jarriko ditu.
BIHAR
15:00 Txirrita eskolako ikasleen kurtso amaierako jaialdia.
16:30 Haur jaialdia Katiluzar Guraso Elkarteak antolatuta: merienda, jolasak, ginkana...
17:00-19:00 Bola eta toka. San Antonio jaietako saria eta Hernaniko bola txapelketako lehenengo tiraldia.
20:45 Denok plazara
21:00 Herri afaria frontoian
Afalostean, Andoni Ollokiegi
Ondoren, DJ DZ goizaldera arte txosnan.
LARUNBATEAN
11:00 Puzgarriak frontoian.
18:00 Pelota partiduak:
PALAN BINAKA:
A. Kerejeta-E. Mazizior/N. Murua-N. Ehizmendi
ESKUZ BINAKA:
B. Apezetxea-A. Apezetxea/E. Lizeaga-U. Landa
20:00 Itzal taldearen lehenengo saioa plazan.
21:30 DJ Gorkamendiren emanaldia gaztetxoentzat eskolako patioan.
00:30 Itzal taldearekin parranda goizaldera arte.
IGANDEAN
08:30 Hernaniko txistulariekin diana bailaran barrena.
10:00 Meza nagusia.
11:00 Ttarla dantza taldearen emanaldia frontoian.
12:00 Sagardo probaketa plazan, Ur Miak antolatuta.
SAGARDOTEGIAK: Elutxeta, Iparragirre, Elorrabi, Otsua Enea, Olaizola, Goiko Lastola eta Larre Gain.
18:30 Bertso Jaialdia: Maialen Lujanbio, Andoni Egaña, Agin Laburu eta Alaia Martin.
Ondoren, errifaren zozketa eta jaiei amaiera suziriak jaurtiz.