Ostiralera arte izena emateko aukera, Olak Auzo elkarteak antolatutako irteeran

Kronika - Erredakzioa 2024ko mai. 13a, 00:00

Albaola museoa ezagutzeko aukera izango dute, bisita gidatuarekin.

60 urtetik gorako pertsonentzat  prestatu du irteera Olak Auzo Elkarteak. Pasaiako Albaola museoa bisitatuko dute eta Ontziola jatetxean izango da bazkaria. 

Pasaiara irteera antolatu du Ereñotzuko Olak Auzo elkarteak, Ereñotzuko Auzo Udalaren laguntzarekin, maiatzaren 25erako. 60 urtetik gorako pertsonentzat prestatutako irteera da, eta izena emateko azken eguna ostirala dela zehaztu dute antolatzaileek. Maiatzaren 25ean, goizeko 09:30etan jarri dute hitzordua, Ereñotzuko markesinan; izan ere, goizeko 10:30etan, txalupa batean bertaratuko dira Albaola museora eta bisita gidatuaz gozatzeko aukera izango dute. Bisita amaituta, 12:30etan, berriro txalupa hartu eta Pasai Donibanera joango dira, Ontziola jatetxean bazkaltzera. Arratsaldeko 18:00etan egingo dute buelta Ereñotzura, Pasi Donibanetik. 

Irteeran apuntatzeko 37 euro ordaindu beharko dira, eta txartelak Ereñotzuko Auzo Udalean erosi daitezke.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!