Datorren igandean, hilaren 14an, egingo dute Ereñotzuko Ur-mia solas elkarteko kideek 2023-2024 aldiko urteko batzarra. Igandeko goizeko 10:00etan jarri dute lehenengo deialdiko hitzordua, eta 10:30etan izango da bigarrena, elkartean bertan.
Batzarraz gain, beste zenbait ohar ere zabaldu dituzte Ur-miatik. Urteko bazkarirako dagoeneko jarri dute eguna; maiatzaren 4an izango da, eta apirilaren 30era arte mantenduko dute zabalik izena emateko epea. Horretarako, elkartean bertan apuntatu edo 688 609 552 telefono zenbakira deitu behar da.
Azkenik, elkarteak gonbidapena luzatu die auzotar guztiei, auzotar berriei bereziki, elkarteko bazkide egiteko. Horretarako, lehenago aipatutako telefono zenbakira deitu, edo bazkide baten bidez juntako kideren batengana jo behar da.