«Ibiltzea osasuna» dela azpimarratu du Ereñotzuko Auzo Udalak, eta horrenbestez, 60 urte baino gehiagoko auzotarrei zuzendutako Ttapa-ttapa ekimena antolatu du, Ereñotzun. Ostiralean izango da aurreneko irteera, eta horretarako hitzordua jarri dute, goizeko 09:45etan, Ereñotzuko frontoian. Era berean, garraioagatik bertaratzeko aukerarik ez duenak, Ereñotzuko Auzo Udalak laguntza eskainiko duela ere azaldu du.
Ttapa-ttapa irteerarako boluntarioak behar direla ere jakinarazi du auzo udalak, eta, beraz, laguntzeko prest dagoenak 943 55 10 00 telefonora deitu dezake.