Gaur arratsaldean jokatuko du Ur Miak, Ereñotzuko bolatokian, Gipuzkoako Taldekako Txapelketaren bigarren partida. Ostadarren kontra ariko dira, 19:30etan hasiko den tiraldian.
Estreinako jardunaldian Ategorrietari irabazi ondoren, atseden hartu zuten ereñotzuarrek joan den astean. Horretan, Ategorrietak 9-7 irabazi zion Ostadarri, lasartearrek denera brila gehiago bota zituzten arren. Etxeko bolatokian garaipena lortu nahi dute ereñotzuarrek, multzoko aurreneko postua eskuratzeko bidean.