Ate joka ditugu Ereñotzuko San Antonio jaiak, eta urtero moduan, Olak Auzo Elkarteak kartel lehiaketa antolatu du. Gaur da parte hartzeko azkeneko eguna, eta bi modutara entregatu daiteke kartela: Ereñotzuko Auzo Udalean bertan entregatuta, edota postaz bidalita (Ereñotzu, 2, kultur etxea, 20128).
Hainbat ezaugarri izan beharko dituzte kartelek. Tamainari dagokionez, 12 zentimetroko zabalera eta 32 zentimetroko altuera beharko dute izan. Paperezko formatuan eta formatu digitalean aurkeztu beharko dira, koloretan, eta edozein modalitate artistikotan. Kartelean, gainera, derrigor agertu beharko dira honako hitzak: 'San Antonio Jaiak', 'Ereñotzu' eta '2023'. Kartazal itxi batean aurkeztu beharko dira lanak, eta horren barruan, beste kartazal itxi batean sartu beharko dira egilearen datuak: izen-abizenak, helbidea eta telefono zenbakia.