Ereñotzuko auzo udalak argitaratu berri ditu Ereñotzuko denda zerbitzua ustiatzeko lizitazioa arautuko dituen oinarriak. Hernaniko udalaren web orrian, kontratatzailearen profilean, dago eskuragarri ondoko loturan: https://www.contratacion.euskadi.eus/webkpe00-kpeperfi/eu/contenidos/anuncio_contratacion/expjaso397608/eu_doc/index.html
Bost urteko kontzesioa edo kontratua izango du eta luzagarria hirugarren, laugarren eta bosgarren urtean. Beraz, bost urte arterako iraupena izan dezake eta eskaerak aurkezteko epea apirilaren 20an amaitzen da.
2019an Begoña Garciak jarri zuen martxan Ereñotzuko denda urte askoan dendarik gabe egon eta gero eta auzotarrek eskertu zuten: «Behar zen denda». Portu auzoan denda eduki eta gero Begoña Garciak Ereñotzura salto egin zuen. Lau urteko kontzesioa zuen, bi urte eta luzagarria hirugarren eta laugarren urtean.
Ereñotzuko auzotarrak eskertu dute azken lau urte hauetan eskainitako zerbitzua eta beste bost urtetan dendaren zerbitzua luzatzea ona litzatekela diote. Supermerkatu txikia dute auzotarrek eta hori da nahi dutena.