Otsailaren 4an aterako dira ereñotzuar helduak, gazteak zein txikiak Santa Agedako errondara, etxe guztiak kantuz poztutzeko asmotan, Ur-Mia elkarteak antolatuta. Hala ere, eguna borobila atera dadin, aurretik bi entsaio egingo dituzte: Lehenengoa gaur izango da, eta bigarrena, berriz, otsailaren 3an. Ilunabarreko 19:30etan hasiko dira entsaioak, Ur- Mia elkartearen lokalean.
Otsailaren 4rako, plan ederra ereñotzuarrek
Arratsaldeko plana antolatu dute Santa Ageda errondarako. Lehenik, Pagoagatik abiatuko dira, Lastaolaraino iritsi arte kantari ariko dira bidean geldialdiak eginez. Etxez etxeko erronda egingo dute, eta eguna ezin hobe amaitzeko, Larre-Gain sagardotegian bapo afalduko dute.