Larunbat arratsaldean jokatu zen, Ereñotzun, XIV. Euskal Herriko Mus Txapelketako kanporaketa. Aiatz Hernani eta Joxeba Lizeaga izan ziren irabazleak, eta Gipuzkoako kanporaketetarako sailkapenaz gain, Fagollaga jatetxean otordu bat eskuratu zuten. Arnaitz Lasarteren eta Oier Iurramendiren aurka jokatu zuten finala, eta hauek ere sailkatu dira Gipuzkoako kanporaketak lehiatzeko.
Herrialdeetako kanporaketak martxoaren 11n jokatuko dira; bertan izango dira Lizeaga eta Hernani, eta bi aste beranduago, martxoaren 25ean, jokatuko da final nazionala, Zornotzan.