Bihar hasiko dute 2023ko denboraldia, Gipuzkoako bolariek; eta Ereñotzun jarri dute horretarako hitzordua: Gipuzkoako Bikotekako Txapelketaren aurreneko tiraldia jokatuko dute bertan.
Goizez zein arratsaldez izango da tiraldia, Ereñotzuko bolatokian: 09:00etatik 11:00etara, eta 16:30etatik 17:30etara. Gainera, Gipuzkoako Toka Txapelketaren tiraldia ere izango da bertan, ordutegi berean.
Hiru tiraldi eta finala izango ditu Bikotekakoak: Ereñotzun, Olaberrian eta Usurbilen izango dira sailkatze saioak, urtarrileko hiru igandeetan; eta Zerainen finala, otsailaren 4an.
Gipuzkoako Toka Txapelketa, berriz, maiatzera bitarte jokatuko da, bola tiraldiak dauden egun batzuetan bakarrik izango baitira toka tiraldiak: Ereñotzun bertan, Usurbilen (urtarrilak 29), Legazpin (martxoak 5), Altzan (martxoak 12), Herreran (martxoak 26), Belauntzan (apirilak 2), Lasarten (apirilak 23) eta Aian (maiatzak 7).