Beterri-Buruntza eskualdean, hainbat irteera gidatu antolatu ditu Donostialdea Turismoak, udara honetan ere; eta larunbat honetan egingo dute denboraldiko azkenekoa, Hernanin. Zehazki, Ereñotzun izango da ibilaldia, goizeko 09:30etan Epeletik abiatuta, Irubide jatetxearen aurreko aparkalekutik.
Lau orduko irteera gidatua egingo dute, eguerdiko 13:30ak arte, trikuharriz trikuharri, Igoin-Akola mendilerroko megalitoak ezagutu eta inguruko paisajeez disfrutatzeko.
Doako irteera, baina aurrez izena emanda
Doakoa da irteera gidatuan parte hartzea, baina aldez aurretik eman behar da izena: donostialdea@behemendi.eus helbide elektronikora idatzita, edo 656 705 243 telefonora deituta.
Nabarmendu dute, «bertakoentzat zein bisitarientzat» izan daitekeela interesgarria larunbat goizeko irteera gidatua, eta horretan parte hartzera animatu dituzte denak.