Pandemiaren ondorioz, etenaldi luzea egin behar izan dute berriz ere, San Antonio jaiak ospatu ahal izateko. Horrexegatik, prestaketa lanetan hasi da, Olak Auzo Elkartea eta martxan da, urtero ospatzen den San Antonioetarako kartelak aukeratzeko lehiaketa.
Olak Auzo Elkartean bertan, kultur etxean (Ereñotzu 2, kultur etxea; 20128 Hernani) entregatu behar dira lanak, . Nahi duen orok, har dezake parte, eta irabazleak 100 euroko saria lortu ahal izango du.
Kartelen ezaugarriak, lehiaketarako
Lehiaketan parte hartu nahi izanez gero, sortutako kartelek 12 zentimetroko zabalera eta 32 zentimetroko altuera izan beharko dute. Paperezko formatuan entregatzeaz gain, formatu digitalean ere, aurkeztu beharko dira, koloretan, eta edozein modalitate artistikotan aurkeztu behar dira. Kartelean, derrigor agertu behar dira hurrengo hitz hauek: 'San Antonio Jaiak', 'Ereñotzu' eta '2022'.
Entregatzeko diren lanak, kartazal itxi batean aurkeztu beharko dira, eta barnean, beste kartazal itxi bat sartu beharko da, egilearen datuak dituela: izen-abizenak, helbidea eta telefono zenbakia.
Saritutako lana, Olak Auzo Elkartearen jabetzan geratuko da. Gainerakoak, berriz, ekainaren 14tik 17ra bitartean jaso ahal izango dituzte egileek, Auzo Elkarteko kideekin harremanetan jarri ostean.