Mus kanporaketa, Irrintzin bihar

Bihar jokatuko da Euskal Herriko Mus Txapelketaren kanporaketa, Ereñotzun. Irrintzi tabernan izango da, arratsaldeko 16:00etan hasita; eta 20 euro dira izenematea, bikoteko. Gipuzkoako finalera pasea izango da jokoan; baina hori bakarrik ez: Fagollagan bazkaria ere eskuratuko du bikote irabazleak.

Aurreko larunbatean, berriz, Goizuetako kanporaketa jokatu zen, eta bost bikote aritu ziren, giro ederrean. Azkenean, Portoloko Juanito eta Iban Eskudero aita-semeak nagusitu ziren, eta haiek izango dira Goizuetaren ordezkari, Nafarroako finalean, martxoaren 26an Iruñean.