Gaur izango dute odola emateko aukera, ereñotzuarrek. Urteko bigarren eta azken hitzordua jarri dute abenduaren aurreneko asteazkenerako, eta Auzo Udaleko aretoan egingo dute, arratsaldeko 17:00etatik 20:30etara.
Odola eman nahi duenak, hori bai, hitzordua eskatu beharko du aldez aurretik, pandemia hasi zenetik egin duten bezala. Horretarako, bihar goizean zehar deitu behar da telefonoz, ondorengo zenbakira: 943 00 78 84.
Urtean bitan izaten dute odola emateko aukera Ereñotzun. Aurten, martxoaren 4an egin zuten aurrenekoa, eta orduan 15 lagunek eman zuten odola. Auzotar guztiei luzatu diete deia, gaurkoan hitzordua eskatu eta odola ematera azaltzeko.