Etzi ostiralean eta larunbatean, urriaren 2an, Bollurria taldeak Bollurriaren bigarren edizioa ospatuko du Ereñotzun. Etzi, 20:00tan, frontoian, Mari Luz Estebanen Andre zaharren manifestua liburuaren errezitaldia egingo da. Sarrera egunean bertan lortu daiteke doan, aforoa bete arte. Larunbatean 10:00etan, bizikleta tailerra antolatu da, 13:00etan txupinazoa botako da eta ondoren bazkari autogestionatua eta kantu zaharrak abestuko dira. Bakoitzak antolatu behar du bere jana. Segidan herri kirol jaialdiak emango du amaiera.