Bigarren urtez, ez da Ereñotzuko Mendi Lasterketarik izango aurten ere. Joan den urtean bezala, proba bertan behera uztea erabaki baitu Axeriak Mendi Lasterketa Taldeak, «pandemiaren eraginez, egungo osasun egoerak behartuta».
Ohi moduan, Ereñotzuko San Antonio jaien aurretik zen jokatzekoa, baina 2022ra itxaron beharko du mendi lasterketaren 10garren edizioak.
Antolatzaileek diote, bi urteko etenaldiaren ondoren, datorren urtean «indarberrituta eta gogotsu» itzuliko direla; «egun polit batez gozatzeko korrikalariek zein ikusleek».
Axeri Mendi Lasterketa taldeak, «eskerrik asko», laguntzaileei
Era berean, eskerrak eman nahi izan dizkiete, beste behin; «aurreko urteotan boluntario lanetan aritu diren guztiei zein lasterketako laguntzaileei».
Horrez gain, Axeri Mendi Lasterketa taldekoek jakinarazi dute, beraien babesa eta laguntza ezinbestekoa izango dela datozen urteetan ere.