Hitzaldia eskainiko dute gaur, Ereñotzun, Iñaki Sanz-Azkuek eta Arturo Elosegik: eukaliptoak ingurumenean duen eraginari buruz ariko dira. Arratsaldeko 19:00etan izango da, Auzo Udaleko areto nagusian edo fronotian. Izan ere, hitzaldira bertaratu nahi dutenek izen eman beharko dute aurrez, Ereñotzuko Auzo Udalera deituta (943 55 10 00), edota ereinotzu@ereinotzu.eus helbidera idatzita.
Eukaliptoak bailarako ingurumenean dituen eragin kaltegarriei buruz ariko dira adituak. Euskal Herriko Unibertsitateko fakultateko Landare-Biologia eta Ekologia katedraduna da Elosegi, eta eukaliptoaren eraginaren ikuspegi orokorra azalduko du; zein ezaugarri kaltegarri dituen eukaliptoak, besteak beste.
Iñaki Sanz-Azkue hernaniarra, berriz, Aranzadi Zientzia Elkarteko biologoa da, eta ikuspegi hori bailarara ekarriko du, hau da, herritarrei jakinaraziko die zein eremutan ari diren ematen eukalipto landaketak, zergatik diren kaltegarriak bertan, zein landaretan eragiten duen...