Estreinako kontzertua eskaini zuten, aurreko larunbatean, Eli eta Manex Pagola anai-arrebek, 'Bertso musikatuak' diskoa kaleratu ondoren. Eta ezin arrakastatsuagoa izan zen estreinaldia: distantzia tarteak ondo mantenduta, baina beteta ageri zen frontoia. Gauari errimak, doinua eta kolorea jarri zizkioten Pagolatarrek, eta gozatu ederra hartu zuten, bertaratutako auzotarrek; baita txalo zaparradekin eskertu ere.