Gaur arratsalderako zita jarri du Txalo produkzioak konpainiak, arratsaldeko 19:30etan Ereñotzuko frontoian. Bertan, antzerki saio barregarria ikusteko aukera izango dute ereñotzuarrek. Ane Gabarain eta Mikel Laskurain aktoreek, Zoaz pake santuan antzezlana interpretatuko dute. Hala ere, izena eman beharko da aldez aurretik, orain arteko saioetarako bezala.
Horretarako, 688 780 356 telefono zenbakira deitu behar da, edo WhatsAppez idatzi.
Etengabeko ustekabeak, gaur
Gabarain eta Laskurainek, bikote bat irudikatuko dute, «baina ez bikote zoriontsu bat», daramakiten bizimodu aspergarriarekin amaitzeko asmoz, gizona pozoitzea erabaki du emakumeak. Etengabeko ustekabeez gain, antzezlan barregarria izango da gaurkoa, akatsez eta ahuleziaz betetako bi pertsonaia izango dira taula gainean, «baina aldi berean, maitagarriak eta dibertigarriak».