Egun berezia da gaur, Ereñotzuko auzotarrentzat, izan ere, San Antonio eguna da. Eta aurtengo eguna «berezi bezain arraroa» da, Koronabirusak eragindako egoera dela medio. Ezin dira ohiko jaiak ospatu, baina txistulariak eta bertsolariak ibiliko dira bailaran zehar, auzoa girotzen. Horrez gain, balkoiak kolore biziz apaintzeko apustua ere egin dute.
«Aurtengo jaiak modu sinboliko batean ospatzeko erabakia hartu dugu»Ereñotzuko Jai Batzordea, biltzen ibili da azken hilabeteetan, San Antonioei buruzko erabakiak hartzeko, eta jakinarazi dute, «pena haundiz» erabaki dutela festak bertan behera uztea, hala ere, «aurtengo jaiak modu sinboliko batean» ospatzeko erabakia hartu dute. «Pena haundiz» hartu du, Ereñotzuko Jai Batzordeak festak bertan behera geratzearen erabakia. Hala ere, festak modu sinboliko batean ospatzea erabaki dute. Izan ere, goizean goizetik aterako dira txistulariak eta bertsolariak Ereñotzuko auzoa esnatu eta girotzera. Ekitaldi gehiagorik ez da egingo, egoerak ala behartu duelako, «azkenean gure helburua jende pilaketak saihestea da». Bilera ugari izan dituzte, hartu diren erabakiak hartzeko, eta azaldu dute, «hasieratik bileretan zalantzak izan dira nagusi, ezer ez zegoelako argi eta ezin zelako erabakirik hartu. Deseskalada honetan, lehenengotariko jaiak izango dira San Antonioak, eta horregatik dena izan da berria guretzat». |