Urtero bezala, aurten ere udaleku irekiak antolatzen hasi da Olak Auzo Elkartea, 12 urte arteko haurrentzat. Oraindik ezin da ziurtatu udalekuak egingo diren ala ez, baina antolatze aldera, izen-ematea ireki du.
Printzipioz, lehengo urtean bezala, uztailaren 2tik 24ra egingo dira udalekuak, astearte, ostegun eta ostiraletan, 09:15etatik 12:45etara. Matrikula 65 eurokoa izango da. Izena emateko, izena eta bi abizen, jaiotze-data eta harremanetarako telefono eta helbide elektronikoaren berri eman behar da, emailez, nagore-m@ereinotzu.eus helbide elektronikora bidalita. Era berean, maiatzaren 28a baino lehen 65 euroen ordainketa egin behar da kontu korronte honetan: 3035 0025 880250035973 (Euskadiko Kutxa).
Behin izena emanda, informazioa helbide elektroniko bitartez helaraziko zaie guraso edo tutoreei, Osasun Agintariek emandako aholku eta aginduak jarraituz hartu beharko diren erabakien inguruan.