Urte berriarekin, Ur Mia elkarteak, urtero moduan, otsailaren 4an, Ereñotzun Santa Ageda ospatuko du. «Iritxi da gure ahotsak berotu eta leuntzeko garaia, eta kopla zaharrak gogoratzekoa». Horretarako, aurrez bi entsegu egin behar direla adierazi dute elkartekoek, «eta bertara gonbidatu nahi zaituztegu»; lehena, ostiral honetan izango da, ilunabarreko 20:00etan, eta azkena hilaren 31n, biak Ur Mia elkartean.