Urteko agendari azken ukitua emateko, mahai-jolasetan arratsalde pasa egiteko proposamena egin zuten pasa den ostiralean Ereñotzuko frontoian. Binaka edo talde haundiagoetan, ederki pasa zuten bertaratu ziren guztiek, lagunartean eta familian. Mota guztietako jolasak izan ziren aukeran: damak, makil txinatarrak, buruan kartak jarrita asmakizunak, barkuak hondoratzeko estrategia jolasa... Ondo pasatzeko aukerarik ez zen falta!