Urriarekin batera hasi ondoren, Udazken Kulturala aurrera dijoa, eta aste honetan ere izan da mugimendurik. Baliabideak batu, ez errefusatu kanpainaren barruan tailerra izan zen herenegun; gaur irteera egingo dute adinekoek eta bihar ere izango dira ondo pasatzeko aukerak.
Eguerdiko 12:00etan, ipuin laburrak kontatuko ditu Ixabel Agirresarobe kontalariak, ludotekan. Eta arratsaldean, gaztain eta sagardo dastaketa izango da, arratsaldeko 17:00etatik aurrera; ondoren, patata tortila txapelketarekin borobilduko dute eguna.
Lizarrara adinekoak gaur; Zumaiara, bihar zortzi
Adinekoek, aldiz, gaur egingo dute irteera, Lizarrara. 08:30etan abiatuta, kontserbera bisitatuko dute, bingoan arituko dira... eta Iratxen egingo dute bazkaria.
Datorren astean, berriz, Zumaiako Flyscha bisitatuko dute ereñotzuarrek, 09:15etan abiatuta, eta bertan bazkalduko dute. Joan nahi duenarentzat txartelak salgai daude bihar arte, Irrintzin eta Auzo Udalean.
Egun bat lehenago, ostiralean, Xaboi tailerra egingo dute Josune Eizmendi eta Izaskun Gurrutxagaren eskutik. 18:00etan izango da, ludotekan. Ostegunera arte apuntatu daiteke.