'Kaixo Mintzalagun' ekitaldia antolatu du Astigarragako AEKk gaurko. BADA Euskaldunon Topaguneak hartuko du ekitaldia, arratsaldeko 17:30etan hasita. Orduantxe egingo dute aurkezpena, eta ondoren, 18:00etan, 'Ihes-gela euskalduna' izango da bertan, Getariako 'Elkano Ihes-gela'ren eskutik.
12 urtetik gorakoentzat izango da hori, eta aldez aurretik izena eman behar da, astigarraga@aek.eus helbide elektronikora mezua bidalita, edo 607 61 06 87 telefono zenbakira deituta zein whatsappez idatzita.