Haurrei zuzendutako plan polita dute astigartarrek gaurkoan. 'Txepeldunak' antzezlanaz gozatzeko aukera izango da, arratsaldeko 17:00etan hasiko dena, Erribera kulturgunean. Sarrerak balio du 3 euro; 6 euro 18 urtetik gorakoentzat.
Ez da antzezlan arrunta gainera, 'Txapeldunak'; haurrentzako bertso antzerkia da, ondorengo istorioa kontatzen duena: «Partidu bat galdu duen haurra triste dago. Berak beti irabazi egin nahi du, pelotarekin haserre dago, baina pixkanaka ikasiko du, beste jolas askok lekua dutela kalean, eskolako patioan... Eta lehia ez dela beti beharrezkoa. Bertsoak, koplak eta beste hainbat baliabide eszeniko tartekatzen dira obra dinamiko eta jostari honetan».