Haurreskolaren egoeraren berri emateko, bilera irekia deitu du Astigarragako Udalak, datorren ostegunerako, urriak 22, Haurreskolako gurasoei zuzenduta. Udaletxeko areto nagusian egingo dute, 17:30etan hasita.
«Azkeneko urteotan haur kopuruak gora egin du Astigarragan, eta horrek matrikulazio haundia ekarri du Haurreskolan. Egoera horri erantzuteko, Udala Haurreskolak Partzuergoarekin izan da harremanetan azkeneko hilabeteotan, eta hainbat proposamen helarazi dizkio, familiei zerbitzu-aukera berriak eskaintzeko asmoz», azaldu du Udalak. Orain, bilera irekian jakinarazi nahi dizkiete gurasoei, uztailean egindako bileraz geroztik Udalak emandako urratsak, egindako proposamenak eta Partzuergoaren erantzunak.