Egun berezia izan zen Sagardoetxean pasa den larunbatekoa (irailak 12). Museoaren 20garren urteurrena ospatu zuten, hainbat jarduera entretenigarriekin. Gainera, Udazken Zaporezen garaiari (irailak 12-azaroak 1) ere hasiera eman zioten.
Urteurren ekitaldi berezian parte hartu zuten hainbat familiak, herritarrek, eta urte guzti hauetan museoarekin harremana izan duten erakunde zein eragileek. Eta horrez gain, egun osoan zabalik mantendu ziren museoko ateak, doako bisita gidatuez gozatzeko aukerarekin. Hori gutxi balitz, arratsaldea modu ezinhobean osatu zuten; izan ere, prestatu zituzten familientzako tailerrak ('Sagardoetxeako lorategia familian' tailerra eta 'Sagarretik sagarrera' oka jokoa) eta kontzertu ezberdinak (3Zur eta Zerumuga).
Azkenik, aipatu beharra dago ospakizun egun osoan zehar, sagardo bereziak dastatzeko aukera izan zela, gaineko argazkian ikusten den bezala.