Martxan da, beste urte batez, Kizkia Taldearen sagardo lehiaketa. Urteurren berezia du aurtengoa, gainera, 25garren edizioa baita. 16 sagardotegik hartuko dute parte, iraileko asteazkenetan jokatuko diren kanporaketetan: herenegun egin zuten aurrenekoa, eta hilaren 9an eta 16an izango dira hurrengo biak. Finala, berriz, irailaren 23an egingo dute, Gure Izarra elkartean.
Honakoak dira parte hartuko dute sagardotegiak: Astigarragako Alorrenea, Etxeberria, Lizeaga, Petritegi eta Rezola; Hernaniko Akarregi; Urnietako Eula eta Oianume; Usurbilgo Saizar; Andoaingo Mizpiradi; Donostiako Barkaiztegi; Adunako Aburuza eta Zabala; Aiako Izeta; Lizartzako Goikoetxea; eta Zeraingo Oiharte.
Joan den urtean Petritegi izan zen nagusi, Oianumeren eta Altzuetaren aurretik.