Astigarragako Murgia jauregia Zinema Kalean egitasmoaren egoitza izango da. Horrela, gaur gauean 16 urtetik gorako astigartarrek gozatu ahal izango dute 'Los pecadores' filmaz, aire zabalean. Euria egingo balu Kontxa Etxeberria plazara lekualdatuko lukete, baina eguraldi iragarpenari erreparatuz gero, dirudiena da zeru urdinean eguzkia izango dela nagusi egun zein gau osoan zehar.
Filmaren nondik norakoei dagokienez, bi anaia biki dira protagonistak, eta haien bizitza kontatzen du filmak: Chicagon arazoz betetako bizitza daramate, nahiz eta arrakastaz betetakoa ere izan. Horrenbestez, haien jaioterrira bueltatzea erabakitzen dute, bizimodu berri bat hasteko. Blues klub bat sortzen dute, baina ez dakitena da gaitz are haundiagoa dutela zain, ongi etorria emateko.