Sekulako giroarekin hasi ziren Santio jaiak atzo, Astigarragan. Gaztetxoek jarri zieten kolorea aurreneko orduei, txupinazo txikitik hasita; eta Periko Garmendiaren eta Juantxo Zuaznabarren eskutik lehertu zen festa arratsaldean, suziriarekin batera. Giro horrekin eta festa gogoarekin, ordu txikietara arte luzatu zen festa, hasi bezain pronto.
Denak ez dakigu, baina herritar batzuk behintzat goiz espabilatu eta mugituko dira gaur: sukaldariak. Izan ere, marmitakoak hartuko du protagonismoa jaien bigarren egunean, sekulako indarra hartu duen lehiaketarekin. Sukaldarien albora arrimatuko dira beste asko eta asko bazkalorduan, marmitakoak prest daudenean, usain goxo-goxoak erakarrita.
Marmitakoa ez ezik, jolasak, txarangak eta kultur emanaldiak izango dira gaurkoan, bereziki arratsaldean eta gauean.
Gazte txupinazoa eta Jokai jolasak: