Plenoa gaur Erriberan, ohiko deialdian

Gaur arratsalden egingo du ekaineko Plenoa Astigarragako Udalak, ohiko deialdian, 19:00etan hasita. Tokia ezohikoa izango da, baina aurreko hilabeteko berbera: Erribera kulturgunean egingo dute, udaletxeko pleno aretoa obretan dagoela eta. 16 puntuko gai-ordena daukate lantzeko, zenbait gai nabarmenekin; besteak beste, herri barruko autobus zerbitzu erregularra ezartzea, Gipuzkoako garraioaren lurralde agintaritzan sartzeko eskaera, edota kale garbiketa zerbitzuaren kontratazio espedientea. Bi mozio ere eztabaidatuko dituzte: bata Astigarragako EH Bildu eta EAJ udal taldeek aurkeztutakoa, Foruen abolizioaren 150garren urteurrenari eta alkateen mugimenduaren 50garren urteurrenari buruzkoa; eta bestea hegaztiak hazteko garaian bost zuhaitz mozteari buruzkoa.