Aurtengo Santio Jaiak iragartzeko eta horien irudi izateko lehiaketara 12 kartel aurkeztu dira udaletxeko kultura sailera. Horiek guztiak ekaineko jai batzordera eraman dira, eta bertako kideek, bozkaketa prozesu baten ondoren, Jose Luis Pulido Calvoren 'Zalaparta' obra aukeratu dute, Santio Jaien egitaraua apaintzeko. Udalaren aburuz, «kolore bizi eta kontrastatuen erabilerak jaien alaitasuna, energia eta izaera herrikoia indartzen ditu».