Aurreko astean izan zen Frankfurteko CiderWorld sagardo azoka, eta aurtengoan Gipuzkoa izan da lurralde gonbidatua. Hori horrela, Astigarragako hiru sagardotegi izan dira bertako sagardogintzaren ordezkari, Petritegi, Gurutzeta eta Zapiain; eta hiru egunez hainbat ekintza berezi eskaini zituzten, Sagardoetxeako eta Aldundiko kideekin batera. Handik bueltan, bizitakoaren berri eman dute, eta baita jasotako errekonozimenduen berri ere.