Autobus zerbitzuaren inguruan zenbait aurrerapen izan badira ere, zerbitzuaren kalitatearekin kezkatuta jarraitzen dute MUGItu Astigarraga plataformako kideek. Horregatik, manifestazioa deitu dute larunbat eguerdirako: Ergobitik abiatuko dira, bihar 12:00etan. Aurreko asteburuan 200 lagun baino gehiago elkartu ziren Donostia ibilbidean egin zuten mobilizazioan, eta bat egiteko deia luzatu diete herritarrei, oraingoan ere.
Horrekin lotuta, Xabier Urdangarin alkateak gaur bertan egin du agerraldia Gipuzkoako Batzar Nagusietan, Astigarragako autobus zerbitzuari buruz. Bertan, Foru Aldundiari hainbat eskaera egin dizkio alkateak: bereziki, dauden lineak behin betiko indartzea, linea berriko maiztasunak haunditzea, eta zerbitzuaren kalitatea bermatzea.
Alkatearen hitzartzea osorik dago irakurgai, honako loturan eta albisteari erantsitako dokumentuan.