Gau berezia izango da biharkoa, Petritegi sagardotegian: elkarrekin ospatuko dituzte Petritegiren 500garren urteurrena, eta Haatik Dantza Taldearen 15garrena. Horrela, 'Errimak bi oinetan' ikuskizuna eskainiko dute, 19:00etan hasita; eta bertso afaria izango da ondoren, Sustrai Colina eta Maddalen Arzallus bertsolariekin. Guztia 38 euroan dago eskuragarri, petritegi.eus webgunean.