Nokaz arituko dira otsaileko ostegunetan, Astigarragako Emakumeon Etxean. Arratsaldeko 17:00etan hasiko dira saioak, eta 19:00ak arte luzatuko dira. Gaur egingo dute aurrenekoa, eta bertan, noka ikasi, praktikatu eta nokari, hizkuntzari eta generoari buruz hausnartuko dute.
«Inguruan ditugun noka praktikak argitara ateratzen» saiatuko dira praktika honekin, eta argi utzi dute ikastaroan parte hartzeko ez dela beharrezkoa noka hiztuna izatea: «Hiztun gisa dugun agentzia baliatuz hausnarketa eta praktika kolektiboa sustatuko dinagu».
Gaurko saioarekin ekin, eta noka praktikatzen jarraitzeko aukera izango da hilabete honetako beste hiru ostegunetan ere: otsailaren 12an, 19an eta 26an. Doakoa da ikastaroa, baina izena eman behar da, internet bidez: labur.eus/nokahizkera.