Martxoaren 24ko gaueko ordu txikietan igaroko da Korrika Hernanitik zein Astigarragatik. Martxoaren 19an abiatuko da Atharratzetik, eta Euskal Herriko itzulia egin ostean Bilboko hirian egingo ditu azkeneko pausoak.
Korrika iritsi aurreko beroketarako, herrietan batzordeak osatu dira. Baita Astigarragan ere, eta urtarrilaren 29rako hitzartu dute lehen batzordea, arratsaldeko 18:00etan kultur etxe zaharreko aretoan.
Korrika iritsi aurreko egunak girotzeko egitaraua antolatzeko helburuarekin bilduko da batzordea, eta bertara gonbidatuta dago antolaketan laguntzeko gogotsu dagoen herriko eragile zein norbanako oro.
Gurasolagun ekimenarenaurkezpena, egun berean
Bestetik, Gurasolagun ekimenaren aurkezpena ere prestatu dute urtarrilaren 29rako. Seme-alabekin naiz beste gurasoekin euskeraz aritzeko taldea da Gusarolagun, eta guraso euskaldunak eta praktikatu nahi dutenak elkartuz lortzen dute hori. Ekimenaren aurkezpena arratsaldeko 17:00etan egingo da, Erribera kulturgunean.