Egun sargori bat hobeto eramaten da jai giroan. Argi geratu zen hori Santiomendin, ostiraleko jai egunean. Giro ederra izan zuten bertan egun osoan zehar, eta izerdia gogotik bota bazuten ere, jende ugari elkartu zen prestatutako egitarauaz gozatzera.
Mixiyuaren eta Zerainen arteko zaldi dema pixka bat laburtu behar izan zuten, baina ikuskizuna ederra izan zen bere horretan. Eguerdian Larrarten bazkaldu ondoren, Santiomendiko ermitara igo ziren denak, herri kirol saioaz gozatzera. Inguruko gazteen arteko lehia polita izan zen, berdindua eta lehiatua.
Gauean, berriz, 3ttu erromeria taldearekin egin zuten parranda, eguneko berotasunak ahaztuta.
