Ederki joan dira orain arteko jarduera guztiak, eta gaur goizean borobilduko dute aurtengo Lurraldia. Goizeko 10:30etan zabalduko dituzte Ilarraren azokako postuak, eta herriko baserritarren askotariko produktuak dastatzeko aukera izango da.
Foru plaza izango da festaren erdigunea, eta produktuak erosteko aukera izateaz gain, bisita gidatuak, pintxo jatea eta ganadu erakusketa ere izango dira bertan.
Astigarragara kotxez bertaratzeko asmoa dutenek kontuan eduki beharko dute goizeko 10:30ak aldera herriko sarrerak itxita egongo direla, Itzulia lasterketa dela eta.
Goizeko 11:00etatik aurrera normaltasun osoz iritsi ahalko da Astigarragara.
Giro ederra, atzoko erromerian
Taula baserria bisitatu zuten atzo arratsaldean zenbait astigartarrek. Bertako lanak eta bizimodua gertutik ezagututa, Ezten Giro erromeriaren konpainiarekin amaitu zuten eguna. Giro ederra sortu zen Emakumeon plazan.