Haur eta nerabeei zuzendutako udako eskaintza oparoa aurten ere, astigartarrek

Kronika - Erredakzioa 2025ko mai. 7a, 00:00
Deskargatu Info Ahotsak :

Udaleku irekiak, kanpaldia, musika udalekuak, jolas txiki, multikirola, uralekuak, kiroldegiko ikastaroak eta gaztelekuko jarduerak izango dira.

Haur eta nerabeei zuzendutako udako eskaintza oparoa antolatu da aurten ere. Udaleku irekiak, kanpaldia, musika udalekuak, jolas txiki, multikirola, uralekuak, kiroldegiko ikastaroak eta gaztelekuko jarduerak izango dira eskaintzaren artean. Izenemateak zabaldu dira jarduera batzuetan.

Gaztelekua, 11-17 urte artekoentzat

Gaztelekuko jardueretarako ekainaren 23tik uztailaren 23ra eman behar da izena eta doakoak dira, irteerak izan ezik.

 

EGITARAUA

UDALEKU IREKIAK

4-12 urte (2021-2013).
Jolasak, eskulanak eta irteerak Astigarraga eta inguruko herriak ezagutzeko. Ordutegia: 9:30-13:30 (17:00etan irteera egunetan). Txandak: Ekainak 23- uztailak 4; Uztailak 7- uztailak 18; Uztailak 28- abuztuak 8; Abuztuak 11- abuztuak 22. Izenematea online maiatzaren 11ra arte. info@xaguxar.org/ www.xaguxar.orgff

KANPALDIA

12-16 urte (2012-2009).

Tailerrak, jokoak, ginkanak, gaubelak... Data: uztailaren 7tik 13ra. Tokia: Garde (Nafarroa). Izenematea online maiatzaren 11ra arte. info@xaguxar.org/ www.xaguxar.org.

MUSIKA UDALEKUAK

6-11 urte (2019-2014).

Musika-jolasak, kantak, eskulanak, psikomotrizitate ariketak eta gorputz adierazpena. Irteera txikiak herrian zehar. Ordutegia: 9:30-13:30. Txandak: Ekainak 23- uztailak 4; Uztailak 7- uztailak 18. Izenematea Norberto Almandoz musika eskolan maiatzaren 19tik 21era. 943557340/ idazkaritza@name.eus.

JOLAS TXIKI

3-5 urte (2022-2020).

Jolas didaktiko eta hezitzaileak, psikomotrizitate gorputz ariketak... Ordutegia: 9:00-13:00. Txandak: Ekainak 23- uztailak 4; Uztailak 7- uztailak 18; Uztailak 21- uztailak 30; Abuztuak 1- abuztuak 14; Abuztuak 18- abuztuak 29; Irailak 1- irailak 5. Izenematea online maiatzaren 12tik 16ra. 943 333 676 / kiroldegia@astigarraga.eus.

MULTIKIROLA

6-12 urte (2019-2013). 

Hainbat kirol ezagutu eta praktikatzeko aukera: boleibola, saskibaloia, eskubaloia, futbola, herri kirolak, pilota, hockeya, atletismoa, txirrindu-irteerak, mendia eta igerilekua. Ordutegia: 9:00-13:00. Txandak: Ekainak 23- uztailak 4; Uztailak 7- uztailak 18; Uztailak 21- uztailak 30; Abuztuak 1- abuztuak 14; Abuztuak 18- abuztuak 29; Irailak 1- irailak 5. Izenematea online maiatzaren 12tik 16ra. 943 333 676 / kiroldegia@astigarraga.eus.

URALEKUAK

12-15 urte (2012-2009).

Uretako hainbat jarduera praktikatu. piragua+aquafit+surf. Txandak: Ekainak 23- ekainak 27; Ekainak 30- uztailak 4; Uztailak 7- uztailak 11; Uztailak 14- uztailak 18; Abuztuak 4- abuztuak 8; Izenematea online maiatzaren 12tik 16ra. 943 333 676 / kiroldegia@astigarraga.eus.

KIROLDEGIKO IKASTAROAK 

Zumba, jump fit, aireko gimnasia, aquafit, txirrinda+piragua, igeriketa. Izenematea online ekainaren 2tik 6ra. 943 333 676 / kiroldegia@astigarraga.eus.
Gizartea Astigarraga
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!