Buruz Buruko txapelketak ez du etenik izango Aste Santuko oporraldian. Promozio mailan bigarren jardunaldia jokatuko du Ekain Lizeaga atzelari astigartarrak, Julen Egigurenen aurka. Astelehenean jokatuko du Lizeagak, arratsaldeko 17:15etatik aurrera, Tolosako Beotibar pelotalekuan.
Lehenengo jardunaldian porrot gogorra jaso zuen Baikoko atzelariak Bakaikoaren aurka, eta gehixeago lehiatzera irtengo da Tolosako kantxara. Aurkari gogorra izango du aurrean, aurrelarientzat errazagoa baita buruz buruko lehiaketara egokitzea. Lehenengo jardunaldian, ordea, 22-18 galdu zuen Egigurenek, Aldaberen kontra.
Iker Salaberria goizuetarrak hurrengo asteko ostiralean, hilaren 25ean, jokatuko du bigarren partidua.