25 urteko ibilbideak askorako ematen du. Argi geratu zen hori Kronikaren urteurrenaren harira egindako bertso saioan. 180 pertsona inguru elkartu ziren Erriberako aretoan, eta Aritz Zerainek gidatuta, egunkariko pasadizo guztien errepasoa egin zuten Maialen Lujanbiok, Unai Agirrek, Agin Laburuk, Jexux Mari Irazuk eta Andoni Rekondok. Saio umoretsua eta bizia izan zen, eta bakoitzak bere erara islatu zuen Kronikak utzitako arrastoa.
Bertsoaldi guztiak datorren astean ikusgai egongo dira kronika.eus webgunean, eta astearteko alean bertso onenen hautaketa bat argitaratuko da.