Euskal Jaiak ospatzeko elkartuko dira gaur Ergobiko auzotarrak, eta baita inguruko herrikideak ere. Egun osoko egitaraua osatu dute, eta bereziki, bertako jan-edanaz gozatzeko aukera paregabea izango da.
Goizeko 11:00etan hasiko da festa, Goikoetxea familiako txalapartarien eskutik. Zuzenean irekiko dituzte bailako sagardotegi ezberdinetako kupelak, herritarrek dasta ditzaten, eta txorixo pintxoaz lagunduta dastatuko dituzte kupelak. Besteak beste, Astarbe, Petritegi, Gurutzeta, Irigoien eta Bereziartuak jarritako kupelak aurkitu ahal izango dituzte herritarrek.
Bitartean, sukaldaritza tailerra eta sagardoaren kata komentatua ere egingo dute. Tailerra 11:45tan hasiko da Hur Astarbe sukaldariaren eskutik. Kata, berriz, Unai Agirrek eta Mikel Garaizabalek gidatuko dute.
Elkartekideek prestatutako zurrukutuna eta txerri haragi gisatua bazkaltzeko aukera ere izango da eguerdian, 14:15etatik aurrera.
Bazkalostean, Apaxi ipuin-kontalariak abenturaz betetako haur eta gazteentzako ikuskizuna eskainiko du auzoko haurrentzako, eta segidan, herri kirolei eskainiko diete tartea, 18:15etan hasita.
Antolakuntzatik gogoratu dute pintxoak, sagardoa eta prestatutako plater ezberdinak dastatu nahi dutenek, ticketa erosi beharko dutela elkartean, egunean bertan.
Eguna bukatzeko, musikaz gozatzeko aukera izango da 3zur taldearen eskutik. Jaia girotzen ere izango da DJ Eto egun osoan zehar.
EGITARAUA - GAUR
11:00 Jaiaren hasiera, txalaparta Goikoetxearen eskutik.
11:00 Txorixo pintxo bat eta sagardo ezberdinak kupeletik dastatzeko aukera.
11:45 Hur Astarbe sukaldariak emaniko sukaldatze kurtsiloa, Zurrukutuna eta txerri haragi gisatua nola presta daitezkeen sagardo erara.
13:00 Jatorrizko deiturako elkarteko sagardoen kata komentatua. Unai Agirre eta Mikel Garaizabalek gidatuta
14:15 Zurrukutuna eta txerri haragia gisatuta bazkaltzeko aukera, elkartekideek prestatuta.
15:30 Apaxi ipuin kontalaria, abenturaz betetako haur eta gazteentzako ikusizuna.
16:30 Elefante baten hezurren iñausketa, jesus Tapia antropologoaren eskutik.
18:15 Herri kirolak.
19:30 Musika 3zur taldearekin.