Bigarrenez ospatuko da familiarteko xake lehiaketa, Astigarragako Erriberan. Iazko arrakasta ikusita, ez dute zalantzarik egin Xake Klubeko kideek, eta bihar hasiko dute lehiaketa, 30 bikoterekin.
Igandea hautatu dute txapelketarako, Gipuzkoako Xake Liga erreferentziatzat hartuta. Guraso eta seme-alaba federatuak lehiaketa ofizialetik 'libratzen' direla aprobetxatuz, kirol-zientzia modu ludikoan bizi duten beste familia batzuekin bat egitea izango da biharko asmoa. Antolatzaileek azaldu dutenez, guraso batzuk azken egunotan euren haurrekin txapelketa prestatzen ibili omen dira, beraz, klubeko kideentzat helburua dagoeneko bete da.
«Guztiontzako lekua dago lehiaketa honetan, probatzera datozenak zein helburu serioagoarekin datozenak, guztiak dira ongi-etorriak», gogoratu dute.