Kaldereroen kalejira egingo dute astigartarrek larunbat honetan, otsailak 22, inauteriak datozela iragartzeko. Arratsaldeko 17:30etan abiatuko da kaldereroen konpartsa Ergobiako plazatik hasita. Herria alaitzen eta inauteriak iragartzen ibiliko dira kalejiran gora eta behera, Emakumeon Plazara iritsi arte.
Kalejiraren ostean, elkarrekin batera jarraituko dute festa, Zipotza elkartean afaria antolatu baitute. Gaueko 21:00etan hasiko da afaria, eta bertara joateko tiketak salgai daude Zipotza tabernan bertan, 25 euroren truke.