Astigarragako Emakumeon Etxean Baratza Feministaren proiektua dauka eskuartean, eta honi hasiera emateko eta proiektua ezagutarazteko helburuarekin antolatu ditu bi hitzaldi.
Hitzaldiak publiko osoari zuzendutakoak izango dira, mistoak, eta biak Etxaldeko Emakumeak elkartearekin batera egingo dira.
Lehenengo hitzaldia 'Sendabelarrak ezagutzen' izenburupean egingo da, otsailaren 12an, asteazkena. Astigarragako Emakumeon Etxean bertan egingo da, goizeko 09:30etatik 11:00etara bitartean. Bigarren hitzaldia 'Baratza eta osasuna' izenburupean antolatu dute, otsailaren 19rako. Emakumeon Etxean egingo da hau ere, 17:30etan hasi eta 19:00ak bitarte.