Bete-betea dator abenduko kultur agenda ere, Astigarragan; eta modurik onenean emango diote hasiera: Euskeraren Nazioarteko Eguneko ospakizunekin.
Horretarako, Mihiluze txapelketa egin zuten atzo Gaztelekuan, eta gaurtik ostegunera bitarte egongo da euskerarekin eta euskal literaturarekin lotutako liburuen gunea, liburutegian.
Baina Euskeraren Eguna bihar izanik, ordurako prestatu dute ospakizun nagusia: arratsalde osoko plana izango da, Udalak, Xaguxar elkarteak, AEK euskaltegiak, musika eskolak, Gaztelekuak eta Gure Izarra elkarteak antolatuta. Txokolatadarekin eta muralerako eskulan tailerrarekin emango diote hasiera Foru Plazan, 16:30etan. Ondoren, kalejira egingo dute Kontxa Etxeberria plazara, eta bertan segiko du festak: Irradaka soka dantza egingo dute, eta mural kolektiboa osatu. Eta eguna borobiltzeko, 'Euskaldungak' saio umoretsua eskainiko dute Erriberan, 19:30etan hasita. Herritar guztiei luzatu diete ekintzetan parte hartzeko gonbitea.
Herri Eskolak, Kiriketa haurreskolak eta kiroldegiak ere antolatu dituzte ekintzak, Euskeraren Egunaren harira.
Abenduko agenda |
|
-16:30etan Foru Plazan: Txokolate jatea Gure Izarraren eskutik, eta horma irudirako eskulan tailerra Xaguxarren eskutik. -18:00etan kalejira, Norberto Almandoz musika eskolarekin. -18:30etan Kontxa Etxeberria plazan: Irradaka soka dantza, eta horma irudi kolektiboa, Astigar dantza taldearen eta AEK euskaltegiaren eskutik. -19:30etan Erriberan, 'Euskaldungak' umore saioa: euskaldunzahar eta euskaldunberri banaren arteko abenturak. 5 'Tum tum platz' umorezko ikuskizuna, Jon Plazaolaren eskutik, 19:00etan Erriberan. Euskeraz. Sarrerak: 4 euro adin txikikoentzat, 8 euro helduentzat. 6-29 Gabonetako pinua sagar eta kandelekin apaintzea, Sagardoetxean. Izenematea: 'sagardoarenlurraldea.eus' edo 943 55 05 75. 8 'Kutxartean' haurrentzako antzezlana, Teatro Paraisoren eskutik, 17:00etan Erriberan. Euskeraz. Sarrerak: 3 euro adin txikikoentzat, 6 euro helduentzat. 10 Irakurketa Kluba: 'Detaile xume bat', Adania Shibli. 19:30etan Erriberan. Isabel Etxeberriak gidatuta, euskeraz. 12 Ipuin kontaketa: 'Animalien ipuinak', Lupe Lekuonarekin. 17:00etan liburutegian. Euskeraz, 1-3 urteko 20 haurrentzat (heldu banarekin). Gonbidapenen zozketan parte hartzeko izenematea, liburutegian abenduaren 9tik aurrera. Doan. 13 'Uneko erretratua' tailerra, Belen Montero artistaren eskutik, Astigartek antolatuta. 17:30etan Erriberan. Izenematea, 10 euroan: 652 701 553. 13 Kantu afaria, 20:30etan Gure Izarra elkartean, Anje Duhalderen eta Errobiren abestiekin. Izenematea 25 euroan, elkarteko bazkideen bitartez edo 637 736 629 telefonoan. 13 eta 15 'Orbanen egia' dokumentala, 19:00etan Erriberan. Euskeraz, gaztelaniazko azpitituluekin. Doan. Ostiraleko estreinaldiaren ondoren solasaldia izango da. 14 San Tomas azoka, Astigarragako Herri Eskolak antolatuta, 10:00etan hasita Foru Plazan. 14 Ahober abesbatza zikloa: Eragiyok abesbatza eta Txirriskla txistulari taldea. 19:00etan Erriberan. Doan. 14 Upelio Eguna, Zipotza elkartean, Gazte Asanbladak antolatuta. 18:30etan gurdi-poteoa, 21:00etan afaria eta 00:00etan elektrotxaranga. Parte hartu nahi dutenek lutoz jantzita joan beharko dute. 15 Gabonetako kontzertua, Norberto Almandoz musika eskolaren eta Aiztondo abesbatzaren eskutik. 12:00etan Erriberan. Doan. 16 Euskal janzkera ikastaroa, 09:30etan AEKn (Kale Nagusia 48). Doan. 16 Literatur solasaldia: 'Baumgartner', Paul Auster. 19:30etan Erriberan. Juankar Landak gidatuta, gaztelaniaz. 17-19 Musika entzunaldiak, Norbertto Almandoz musika eskolako ikasleen eskutik, Erriberan: 17an biolina, pianoa eta haize instrumentuak (19:15); 18an pianoa (17:30 eta 19:30); eta 19an trikitixa, panderoa eta eskusoinua (18:00). 18 Ipuin kontaketa: 'Ezkur urte, sagu urte', Ixabel Agirresaroberen eskutik. 17:00etan eta 18:00etan liburutegian, 4-6 urteko 30 haurrentzat. Gonbidapenak abenduaren 16tik aurrera, liburutegian eta 'astigarraga.eus' atarian. Doan. 18 Txokolatezko turroia egiteko ikastaroa, 17:30etan Zipotza elkartean. AEKk antolatuta, euskeraz. Doan. 19 'El valle del hierro' nobelaren inguruko hitzaldia, Ane Odriozola egilearen eskutik. 18:30etan Erriberan. Euskeraz. 22 Zinea: 'Super Klaus'. Haurrentzat, euskeraz. 16:30etan Erriberan. Sarrera: 2 euro. 22 Zinea: 'Jurado nº2'. 12 urtetik gorakoentzat, gaztelaniaz. 19:00etan Erriberan. 5 euro. 23-urtarrilak 3 Negulekuak, Xaguxarrek antolatuta. Izenematea abenduaren 2tik 6ra, 'xaguxar.org' atarian. 23-urtarrilak 4 Jolas aretoa, kiroldegi azpiko aretoan. 8-12 urtekoentzat. 11:00etatik 13:00etara, eta 16:00etatik 18:30etara. Doan. 24 Olentzero eta Maridomingi. 11:30etatik 12:00etara Foru Plazan, Santiomenditik jaitsi ondoren. Xaguxarrek antolatuta. 28 Samaria Gospel Singers taldearen emanaldia, 19:00etan Erriberan. Sarrerak: helduentzat 8 euro, adin txikikoentzat 4 euro. 29 'Pin pang' umorezko zirku ikuskizuna, Xabi Larrearen eskutik. 17:00etan Erriberan. 4 urtetik gorakoei zuzenduta. Sarrerak: 3 euro adin txikikoentzat, 6 euro helduentzat. 31 Urte Zaharreko koplak, 11:00etan Bustieta baserrian hasita, Kantuz taldeak antolatuta. Partehartze irekia, aurrez 637 736 629 telefonora deituta. 31 Gazte Topa, Gazte Asanbladak antolatuta, 01:30etan Zipotza elkartean |